बजेटको-आकार-घट्यो,-आर्थिक-वृद्धिको-लक्ष्य-यथावत

२९ माघ, काठमाडौं । लक्ष्यअनुसार राजस्व संकलन र बजेट खर्च नहुने अवस्था आएपछि सरकारले चालु आर्थिक वर्षको बजेट संशोधन गरेको छ । कुल १५ खर्ब ३२ अर्ब ९६ करोड रुपैयाँको बजेट कार्यान्वयन गरिरहेको सरकारले अर्धवाषिर्क समीक्षामार्फत १० प्रतिशत अर्थात १ खर्ब ४७ अर्ब रुपैयाँ बजेट घटाएको छ ।

सरकारको संशोधित अनुमान अनुसार चालु आवमा १३ खर्ब ८५ अर्ब ९६ करोड रुपैयाँ खर्च हुनेछ । यो रकम कूल विनियोजन रकमको ९०.४ प्रतिशत हो ।

बजेट संशोधन गरे पनि चालु आवमा सरकारले तोकेको ८.५ प्रतिशतको आर्थिक वृद्धिको लक्ष्य भने संशोधन गरेन । अर्थ मन्त्रालयका अनुसार कूल ४ खर्ब ८ अर्ब लक्ष्य राखिएको पुँजीगत खर्च संशोधित लक्ष्यअनुसार ३ खर्ब २६ अर्ब ८१ करोड (८०.१ प्रतिशत) मात्र हुनेछ ।

९ खर्ब ५७ अर्ब १० करोड राखिएको चालु खर्च भने चालु खर्च भने ९ खर्ब ४ अर्ब ४६ करोड (९४.५ प्रतिशत) हुने भएको छ । सरकारले संशोधित लक्ष्यअनुसार पुँजीगत खर्च उल्लेख्य घट्ने देखिएको छ ।

पुँजीगत बजेट घट्दा पनि आर्थिक वृद्धि लक्ष्यअनुसार नै !

 » पुरा समाचार पढ्नुहोस